Մեծ Բրիտանիան այն կարծիքի է, որ յուրաքանչյուր հակամարտություն եզակի է և պետք է առանձին դիտարկվի: Այդ մասին Երևանում կայացած մամլո ասուլիսում հայտարարել է ՀՀ-ում Մեծ Բրիտանիայի դեսպան Չարլզ Լոնսդեյլը: «Մենք գտնում ենք, որ ղարաբաղյան կարգավորման հարցում անպայման հարկավոր է հաշվի առնել ինքնորոշման իրավունքի, տարածքային ամբողջականության և ուժի չկիրառման սկզբունքները»,-ասել է դեսպանը՝ հավելելով, որ Մեծ Բրիտանիան ու ՆԱՏՕ-ն սատարում են ԵԱՀԿ Մինսկի խմբի հակամարտության խաղաղ կարգավորմանն ուղղված ջանքերին: