«Խաղողագործությունն ու գինեգործությունը Հայաստանում բիբլիական ժամանակներից մինչ օրս» խորագրով խորհրդաժողովը, որը տեղի կունենա սննդամթերքի, ըմպելիքների ու հումքի «Պրոդէքսպո-2011» 18-րդ միջազգային ցուցահանդեսի շրջանակներում, կկայանա փետրվարի 7-11-ը Մոսկվայում:
Ինչպես նշվում է ցուցահանդեսի կազմակերպիչ «Էքսպոկենտրոն» ՓԲԸ-ի կայքում, վարպետության դասերի նպատակը լինելու է հայկական գինիների ապրանքանիշի տարածումը արտաքին շուկաներում:
Հանրապետության բարձր սոցիալական ու տնտեսական նշանակություն ունեցող խաղաղողագործության ոլորտի զարգացման և 2010թ. վարչապետ Տիգրան Սարգսյանի նախանշած Հայաստանի գինիների «ապրանքանիշի ստեղծման» շրջանակներում, խորհրդաժողովում ելույթ կունենան ՀՀ դեսպանատան, Առևտրաարդյունաբերական պալատի, գյուղատնտեսության նախարարության ներկայացուցիչները:
