2011 թվականին ՀՀ Ֆինանսների նախարարությունը երկրի կառավարություն կներկայացնի «Միջազգային աուդիտորական չափանիշների հրապարակման» մասին որոշման նախագիծը, հունվարի 24-ին հաղորդել է նախարար Վաչե Գաբրիելյանը: Նրա խոսքով` այդ նախագծի շրջանակներում աուդիտի միջազգային չափանիշները կթարգմանվեն հայերեն և կներդրվեն ընկերություններում, ինչը թույլ կտա բարձրացնել այդ ոլորտում ծառայությունների մատուցումը:
Ընդ որում` Վաչե Գաբրիելյանը նշել է, որ 2010 թվականի ընթացքում արդեն դադարել են գործել որոշ աուդիտորական ընկերություններ, որոնք անբարեխիղճ էին աշխատում:
ՀՀ կառավարության որոշման համաձայն, 2009 թվականի արդյունքներով պարտադիր աուդիտ պետք է անցնեն 1 մլրդ դրամ և ավելի շահույթ ունեցող ընկերությունները, իսկ 2010 թվականի արդյունքներով` նաև 1 մլրդ դրամ և ավելի ակտիվ ունեցող ընկերությունները:
2010 թվականի դեկտեմբերի 1-ի դրությամբ Հայաստանի տարածքում լիցենզիա ունեն 36 աուդիտորական ընկերություններ և 7 մասնավոր աուդիտորներ:
