Փողոցային առևտուրը փակելու մասին Երևանի քաղաքապետ Կարեն Կարապետյանի որոշումը վաղաժամ էր և կարող է գործազրկության և աղքատության մակարդակի բարձրացման հանգեցնել: Այդ մասին Երևանում կայացած մամլո ասուլիսում հայտնեց ՀՅ Դաշնակցություն խորհրդարանական խմբակցության անդամ Արծվիկ Մինասյանը: Նրա խոսքով` որոշումն արդարացված չէ, քանի որ քաղաքապետարանն առաջին հերթին պետք է հոգար այն մասին, որպեսզի քաղաքացիներն առևտրի կազմակերպման համար այլընտրանքային հնարավորություն ունենային: Մինասյանի կարծիքով` Հայաստանի ղեկավարությունը պետք է փողոցային շուկայի փակումից հետո համապատասխան միջոցներ ձեռնարկեր` առևտրականներին աշխատանքով ապահովեր և հատուցում վճարեր: