Տրանսկովկասյան մայրուղին, որը կապում է Ռուսաստանը և Հարավային Օսեթիան, հունվարի 27-ին Մոսկվայի ժամանակով ժամը 21:00-ին ձյան հետևանքով փակվել է բեռնատար մեքենաների անցումի համար, «Ռիա Նովոստիին» հաղորդել է Հյուսիսային Օսեթիայի ԱԻՆ մամլո ծառայության ղեկավար Յուլիա Ստարչենկոն:
Նրա խոսքերով, Ռոքի լեռնանցքում, որով անցնում է Տրանսկովկասյան մայրուղին, անընդհատ ձյուն է գալիս: «Թեև ձյան ծածկույթի բարձրությունը կրիտիկական չէ, փրկարարների կարծիքով, որոնք ապահովում են ճանապարհի անվտանգությունը, բեռնատար տրանսպորտը որոշակի դժվարություններ է կրում լեռնանցքով անցնելիս»,- ասել է ԱԻՆ ներկայացուցիչը:
«Դրա հետ կապված` հունվարի 27-ին Մոսկվայի ժամանակով ժամը 21:00-ին որոշում է ընդունվել սահմանափակել բեռնատար մեքենաների անցումը Տրանսկովկասյան մայրուղով մինչև հատուկ կարգադրություն ստանալը, այդ սահամանփակումը չի տարածվում մարդատար տրանսպորտի վրա»,- հավելել է Ստարչենկոն:
