Ընդդիմադիր Հայ ազգային կոնգրեսը (ՀԱԿ) բաց է բոլոր քաղաքական ուժերի համար, որոնց համար ընդունելի են ՀԱԿ հռչակագրում ամրագրված դրույթները: Այդ մասին Երևանում կայացած մամլո ասուլիսում հայտնել է ընդդիմադիր Հայ ազգային կոնգրեսի (ՀԱԿ) համակարգող Լևոն Զուրաբյանը` մեկնաբանելով լուրերն այն մասին, որ Հայաստանի Ժողովրդական կուսակցությունը կարող է միավորվել ՀԱԿ-ի հետ:
Խոսելով արտահերթ ընտրությունների անցկացման մասին` Զուրաբյանն ասել է, որ մի շարք քաղաքական ուժեր, որոնք նախկինում հանդես էին գալիս արտահերթ ընտրությունների դեմ, այժմ սատարում են այդ գաղափարին:
ՀԱԿ համակարգողը նկատել է, որ ՀՀ իշխանություններն արտահերթ խորհրդարանական ընտրությունների չեն գնա, քանի դեռ դա չի դիտարկվում որպես երկրում լարվածությունը մեղմացնելու հնարավորություն: