«Արքան խոսում է» ֆիլմի ռեժիսոր Թոմ Հուպերը ստացել է ԱՄՆ Ռեժիսորների գիլդիայի մրցանակ` առաջ անցնելով Դևիդ Ֆինչերի «Սոցիալական ցանց» ֆիլմից, հաղորդում է Ռեժիսորների գիլդիայի պաշտոնական կայքը:
«Արքան խոսում է» ֆիլմը պատմում է բրիտանացի միապետ Գեորգ VI-ի մասին, որը կարողացել է լոգոպեդ Լայոնել Լոգի օգնությամբ հաղթահարել կակազությունը և հրապարակային ելույթներ ունենալ: Ֆիլմում գլխավոր դերերում հանդես են եկել Քոլին Ֆերտը և Ջեֆֆի Գրինը:
Ռեժիսորների գիլդիայի մրցանակակիրը համարյա միշտ դառնում է «Օսկարի» դափնեկիր: Վերջին 62 տարում այդ կանոնը խախտվել է ընդամենը 6 անգամ:
Ավելի վաղ «Արքան խոսում է» ֆիլմը ստացել է ԱՄՆ Պրոդյուսերների գիլդիայի մրցանակ:
Ֆիլմը ներկայացված է «Օսկարի» 12 անվանակարգերում: Բացի դրանից, ֆիլմը հավակնում է Բրիտանական կինոյի և հեռուստատեսության 14 մրցանակի:
