Հայաստանի ֆուտբոլի հավաքականը խաղաշրջանը կսկսի փետրվաի 6-ին: Այդ օրը Հայաստանի հավաքականը 20 ֆուտբոլիստներով՝ գլխավոր մարզիչ Վարդան Մինասյանի գլխավորությամբ 2011թ. առաջին հավաքը կանցկացնի Կիպրոսում: Եռօրյա մարզումներից հետո հավաքականը ընկերական խաղում կհանդիպի Վրաստանի հավաքականի հետ: Այդ ստուգողական խաղում Մինասյանը կորոշի հավաքականի լավագույն կազմը, որին Եվրոպայի 2012թ. առաջնության ընտրական փուլում 6 դժվարին խաղ է սպասում:

PanARMENIAN.Net-ի թղթակցի հետ զրույցում Վարդան Մինասյանն ասել է, որ Վրաստանի հետ խաղին կմասնակցեն բոլոր հիմնական ֆուտբոլիստները: «Դա վերջին նախապատրաստական խաղը կլինի Ռուսաստանի հետ խաղից առաջ և մենք կխաղանք նույն կազմով և ռազմավարությամբ»,-ասել է մարզիչը: