Հունվարի 28-ին հայկական զանազան բուհերի 200 ուսանողներ մասնակցեցին երիտասարդության գործազրկությանը նվիրված սեմինարին, որը կազմակերպվել էր Եվրոպական ուսանողական ֆորումի (AEGEE) կողմից, հաղորդում է կազմակերպության մամլո ծառայությունը:
Երիտասարդների զբաղվածության խնդիրը շատ արդիական է, և շուրջ 22 000 երիտասարդ այսօր զբաղվածության խնդիր ունի:
Դասընթացին մասնակցեցին ներկայացուցիչներ Երիտասարդների մասնագիտական կողմնորոշման կենտրոնից, Գերմանական ակադեմիական փոխանակման ծառայությունից (DAAD), Միջազգային հետազոտությունների և փոխանակման խորհրդից (IREX), Erasmus Mundus փոխանակման ծրագրից և այլ կազմակերպություններից:
Հաղորդագրության մեջ նշվում է, որ «Երիտասարդության գործազրկություն» նախագծի շրջանակներում նմանատիպ միջոցառումներ կազմակերպվեցին նաև Սոֆիա, Տիրանա, Գդանսկ, Ստամբուլ, Մոսկվա, Բարսելոնա, Թբիլիսի, Սկոպյե, Ռիգա և Իզմիր քաղաքներում: