Ադրբեջանի արտգործնախարար Էլմար Մամեդյարովը Մյունխենում հանդիպեց ԱՄՆ պետքարտուղար Հիլարի Քլինթոնի հետ: Հանդիպման ընթացքում հանգամանորեն քննարկվեց ղարաբաղյան հակամարտության կարգավորման հարցը: Հանդիպման ժամանակ Ադրբեջանի ԱԳ նախարարը Քլինթոնին ներկայացրեց այդ հարցում ադրբեջանական կողմի դիրքորոշումը: ԱՄՆ պետքարտուղարն իր հերթին նշեց, որ ղարաբաղյան հակամարտության մեջ առաջընթացի հասնելու ժամանակն է:
Այնուհետև կողմերը կարծիքներ փոխանակեցին տարածաշրջանային և էներգետիկ հարցերի շուրջ, ինչպես նաև քննարկեցին իրադրությունը Մերձավոր Արևելքում: