ԵԱՀԿ ՄԽ համանախագահները Երևանից մեկնել են Բաքու
ԵԱՀԿ Մինսկի խմբի համանախագահներ Ռոբերտ Բրադկեն (ԱՄՆ), Բերնար Ֆասիեն (Ֆրանսիա) և Իգոր Պոպովը (Ռուսաստան) փետրվարի 10-ին ժամանում են Բաքու ղարաբաղյան հակամարտության կարգավորման բանակցային գործընթացը շարունակելու համար, հաղորդել է Ադրբեջանի ԱԳՆ մամլո ծառայության ղեկավար Էլհան Պոլուխովը:
«Այցն ընթանալու է ղարաբաղյան հակամարտության կարգավորման բանակցությունների շարունակության շրջանակներում: Նախատեսված է համանախագահների հանդիպումն Ադրբեջանի ԱԳՆ ղեկավար Էլմար Մամեդյարովի հետ»,- ասել է նա, հաղորդում է «Նովոստի Ազերբայջանը»:
Համանախագահները Բաքու են մեկնել Երևանից, որտեղ հանդիպել են ՀՀ նախագահ Սերժ Սարգսյանի և ԱԳՆ ղեկավար Էդվարդ Նալբանդյանի հետ:
