Windows Phone 7 օպերացիոն համակարգը կարող է տեղադրվել Nokia-ի սմարթֆոներում: Ինչպես հաղորդում է The Wall Street Journal-ը, վկայակոչելով սեփական աղբյուրները, Nokia-ն բանակցություններ է վարում Microsoft-ի het, և եթե կողմերը համաձայնության գան, այդ մասին հայտնի կդառնա փետրվարի 11-ին: Բացի դրանից, թերթի տվյալներով, Nokia-ն բանակցություններ է վարում նաև Google-ի հետ` փորձելով պայմանավորվել Google-ի հետ Android օպերացիոն համակարգի օգտագործման մասին: Ինչպես գրում է թերթը, Nokia-ի գլխավոր տնօրեն Սթիվեն Էլոպը հայտնել է, որ ընկերությունը մի քանի տարով հետ է մնում մրցակիցներից, և այդ բացը լրացնելու համար հսկայական ջանքեր կպահանջվեն: