Եգիպտոսի նախագահ Հոսնի Մուբարաքն այսօրվա ընթացքում կարող է հանդես գալ ուղերձով: Այդ մասին BBC-ին տված հարցազրույցում հաղորդել է Եգիպտոսի իշխող Ազգային-դեմոկրատական կուսակցության գլխավոր քարտուղար Հոսսան Բադրավին: Նա հույս է հայտնել, որ Հոսնի Մուբարաքը կհրաժարվի լիազորություններից և իշխանությունը կփոխանցի փոխնախագահ Օմար Սուլեյմանին: Ավելի վաղ երկրի վարչապետ Ահմեդ Շաֆիկը BBC-ին հաղորդել էր, որ կառավարությունը քննարկում է Մուբարաքի հրաժարականը: