Լարվածությունը Հայաստանի գործող նախագահ Սերժ Սարգսյանի և երկրորդ նախագահ Ռոբերտ Քոչարյանի միջև կապված է տնտեսական հարցերի հետ: Այդ մասին Երևանում կայացած մամլո ասուլիսում հայտարարել է «Նոր ժամանակներ» կուսակցության առաջնորդ Արամ Կարապետյանը՝ մեկնաբանելով այդ թեմայի շուրջ հրապարակումները: Ըստ նրա, կոալիցիայում ոչ մի հակասություն չկա, քանի որ կոալիցիայի անդամ բոլոր կուսակցությունները ծառայել են և ծառայում են գործող իշխանությանը և ցանկանում են համակարգային փոփոխություններ անցկացնել երկրում:
Նա հավելել է, որ Ռոբերտ Քոչարյանի թեկնածության առաջադրումը ընտրություններում կախված կլինի Վլադիմիր Պուտինի առաջադրումից ՌԴ նախագահի պաշտոնում:
Կարապետյանը հայտարարել է նաև, որ չի բացառում, որ Հայաստանում կարող են կրկնվել եգիպտական կամ թունիսյան իրադարձությունները և այժմ Հայաստանում իրավիճակի հեղափոխական զարգացման համար պակասում է միայն պատեհ քաղաքական պահը: