Հայաստանը էներգախնայողության ուղղություն է վերցրել
«Եկել է ժամանակը զբաղվելու էներգախնայողության ռեժիմներով»,- Երևանում մամլո ասուլիսում հայտարարել է Հայաստանի էներգետիկայի և բնական պաշարների նախարար Արմեն Մովսիսյանը:
Նրա խոսքերով, էներգախնայողությունը շատ բարդ գաղափարախոսություն է` էներգախնայող լամպերից մինչև շենքերի շինարարություն: Դրա հետ կապված` Արմեն Մովսիսյանը հավելել է, որ արտասահմանյան գործընկերների մասնակցությամբ արդեն սկսվել է կոնկրետ աշխատանքների իրագործում այդ ուղղությամբ: «Հայաստանում իրագործվում են փորձնական ծրագրեր` կապված ջեռուցման և լուսավորության հետ»,- հաղորդել է նախարարը:
Ինչ վերաբերվում է Հայաստանում ռուսական գործարանի օրինակով էներգախնայող լամպերի արտադրության գործարանի շինարարությանը, ապա, նրա կարծիքով, Հայաստանի շուկան բավական մեծ չէ դրա համար:
