Արգենտինահայ թենիսիստ Դավիթ Նալբանդյանը ATP Copa Claro առաջնությունում հաջող է մեկնարկել: Նրա մրցակիցը Պոտիտո Ստարասն էր, որին Նալբանդյանը հաղթեց երկու սեթերում` 6:4, 6:4 հաշվով:
Ինչպես հաղորդում է Նալբանդյանի պաշտոնական կայքը, արգենտինահայ թենիսիստն առաջին իսկ սեթում խաղն իր ձեռքը վերցրեց: Երկրորդ սեթում երկու թայ-բրեյք վերցրեց և հանդիպման ելքը հօգուտ իրեն լուծեց:
Սա թենիսիստների չորրորդ խաղն էր պաշտոնական հանդիպումների շրջանակում և Նալբանդյանն առջևում է 4:0 հաշվով:
1/8 եզրափակչում Նալբանդյանն իր ուժերը կչափի Խուան Պաբլո Բրժեժիցկու (Արգենտինա) հետ: