Հայաստանի դեմոկրատական կուսակցությունը խորհրդակցություններ է վարում այլ ձախակողմյան ուժերի հետ գալիք խորհրդարանական ընտրություններում միավորվելու մասին: Այդ մասին Երևանում մամլո ասուլիսում հայտարարել է Հայաստանի Դեմոկրատական կուսակցության առաջնորդ Արամ Սարգսյանը: Նրա խոսքերով, նորմալ է, երբ գաղափարապես մոտ կուսակցությունները միավորվում են: Միաժամանակ, նա նշել է, որ հայ հասարակության մեջ ձախակողմյան կուսակցությունների կարիք կա:

Նա չի մանրամասնել, թե հատկապես որ քաղաքական կուսակցությունների հետ են բանակցություններ ընթանում, սակայն նշել է, որ դեմոկրատական կուսակցությունը երբեք դաշինք չի կնքի Հայ ազգային կոնգրեսի (ՀԱԿ) հետ: