Կուբայի առաջնորդ Ֆիդել Կաստրոն գտնում է, որ դեռևս շատ վաղ է Լիբիայի կառավարությանը քննադատելու համար, հաղորդում է mignews.com-ը:
«Մենք պետք է մի որոշ ժամանակ սպասենք, որպեսզի վստահ լինենք, թե ինչն է համապատասխանում իրականությանը, իսկ ինչը` ոչ»,- ասել է նա:
Այժմ, Կաստրոյի կարծիքով, ամենահարմար պահն է Հյուսիսային Աֆրիկա ամերիկյան ներխուժման վերաբերյալ անհանգստության և դատապարտման համար:
Կաստրոյի հայտարարությունը հրապարակվել է Կուբայի ԶԼՄ-ներում երեքշաբթի օրը` փետրվարի 22-ին: Ֆիդելը Միացյալ Նահանգներին մեղադրում է լիբիական նավթի հանդեպ հսկողություն հաստատելու նպատակով Լիբիա ներխուժելը նախապատրաստելու մեջ:
Նրա խոսքով, «դա մի քանի ժամվա կամ օրվա խնդիր է»: