Հայաստանի նախագահ Սերժ Սարգսյանն ու Ռուսաստանի Դաշնության նախագահ Դմիտրի Մեդվեդևը բարձր են գնահատում երկու երկրների միջև ռազմավարական գործընկերության վրա հիմնված համագործակցությունը: Այդ մասին նրանք հայտարարել են այսօր Սանկտ Պետերբուրգում կայացած հանդիպմանը: Նախագահները քննարկել են տարբեր ոլորտներում հայ-ռուսական փոխգործակցությանը վերաբերող հարցեր, անդրադարձել տարածաշրջանային և միջազգային արդի խնդիրներին, հաղորդում է ՀՀ նախագահի մամլո գրասենյակը: