Կանանց միջազգային օրվա կապակցությամբ Երևանի պետական Կամերային թատրոնում կկայանա «Կաբարե» ներկայացումը: Ինչպես PanARMENIAN.Net-ի թղթակցին պատմեցին թատրոնում, այդ ներկայացումն ամենից շատ է համապատասխանում այս տոնին, քանի որ այն իր ժանրով թեթև և ուրախ է:

Թատրոնում պատմեցին նաև մարտին սպասվող ներկայացումների մասին` մարտի 1,2,9 - «Ի՞նչ տարբերություն, թե ում հետ», մարտի 5,6,11,12 - «Կառավարական համերգ», մարտի 8 - «Կաբարե», մարտի 19,20,26,27 - «Ի զեն», մարտի 25 - «Նազար, Նազար մինչև վերջ»: Մոտակա ամիսներին թատրոնում պրեմիերաներ չեն սպասվում, քանի որ թատերախումբը հյուրախաղերի է մեկնում: Ինչպես հաղորդեցին թատրոնում, պրեմիերաներ կլինեն մայիս ամսից հետո: