Սոչիում Հայաստանի, Ադրբեջանի և Ռուսաստանի նախագահների եռակողմ հանդիպման ժամանակ հազիվ թե ստորագրվի ղարաբաղյան հակամարտության կարգավորման մասին հռչակագիր: Այդ մասին Երևանում մամլո ասուլիսում հայտարարել է «Նորավանք» գիտակրթական հիմնադրամի տնօրեն, քաղաքագետ Գագիկ Հարությունյանը: «Եթե կողմերին հաջողվի պայմանավորվածության հասնել ղարաբաղյան հակամարտության առաջնային գծից դիպուկահարներին հեռացնելու մասին, իհարկե, դա կլինի առաջընթացի քայլ»,- նշել է քաղաքագետը և հավելել, որ Հարավային Կովկասի բոլոր երկրները բացի Ադրբեջանից հանդես են գալի հակամարտության խաղաղ կարգավորման օգտին: