Արգենտինայի թենիսի հավաքականի առաջատար Դավիթ Նալբանդյանը Դևիսի Գավաթի 1/8 եզրափակչում Ադրիան Ունգուրի նկատմամբ տարած հաղթանակից հետո պատմեց, թե ինչու չհրաժարվեց խաղից որովայնի սուր ցավերի պատճառով:
«Որովայնի ցավն իսկապես ինձ շատ էր անհանգստացնում: Գրիժան նույնպես հիշեցրեց իր մասին: Երբեմն ցավն ուղղակի անտանելի էր, բայց ես հանուն իմ երկրպագուների, որոնք եկել էին ինձ սատարելու, չէի կարող հրաժարվել պայքարից: Ես ջանում էի խաղալ` չմտածելով ցավի մասին: Շատ ուրախ եմ, որ ինձ հաջողվեց հաղթանակ տանել»,- Նալբանդյանի խոսքն է մեջբերում առաջնության պաշտոնական կայքը:
Թենիսիստը խոստովանել է, որ խաղի ժամանակ պարզապես ճչում էր ցավից, և դա ամենավատ պահերից մեկն էր, որը նա երբևէ ապրել է կորտում: