Այս շաբաթ ԱՄՆ Ներկայացուցիչների պալատում լսումներ տեղի կունենան ԱՄՆ-ում բնակվող մահմեդականների ծայրահեղականացման վերաբերյալ: Ելույթ ունենալով հեռուստատեսությամբ, Ներկայացուցիչների պալատի անդամ Պիտեր Քինգը (Նյու Յորքից ընտրված հանրապետական) ասել է, որ լսումները հիմնավորված են նրանով, որ Ալ-Քաեդային համակրող ամերիկացիները սպառնալիք են երկրի անվտանգության համար:
Սակայն, Ներկայացուցիչների պալատի անդամ Քիտ Էլլիսոնը (Մինեսոտայից ընտրված դեմոկրատ) Կոնգրեսի պատմության մեջ առաջին մահեմդական անդամը, նույն հեռուստահաղորդման մեջ մտահոգություն է հայտնել, որ այդ լսումները կանխակալ մոտեցման դրսևորում կլինեն որոշակի կրոնական փոքրամասնության հանդեպ:
Չնայած հորդառատ անձրևին, մի քանի հարյուր մարդ, հավաքվել էին կիրակի օրը Նյու Յորքում՝ բողոքելով Կոնգրեսում կայանալիք լսումների դեմ, հայտնում է VOA News-ը: