Վրաստանի արտգործնախարար Գրիգոլ Վաշաձեն հրաժեշտի հանդիպում անցկացրեց Հայաստանի դեսպան Հրաչ Սիլվանյանի հետ, որն ավարտում է իր դիվանագիտական առաքելությունը Վրաստանում:

Ինչպես հաղորդում են արտգործնախարարությունից, Վաշաձեն շնորհակալություն է հայտնել դեսպանին Վրաստանում կատարած արգասաբեր աշխատանքի, հայ-վրացական հարաբերությունների մեջ ներդրած ավանդի համար և հաջողություն մաղթել նոր աշխատանքում:

Վրաստանում Հայաստանի նոր դեսպան է նշանակվել Հովհաննես Մանուկյանը` Հայաստանի Վճռաբեկ դատարանի նախկին նախագահը: