Միջազգային հանրությունը պետք է ղարաբաղյան հակամարտության կողմերին հայտարարի, որ եթե կողմերից մեկը ուժ կիրառի հիմնախնդրի լուծման համար, ապա միջազգային հանրության արձագանքը հստակ և անհապաղ է լինելու: Այդ մասին, ելույթ ունենալով ՀՀ Ազգային Ժողովում կառավարական ժամի ընթացքում, հայտնել է Հայաստանի վարչապետ Տիգրան Սարգսյանը:
«Միջազգային հանրությունը պետք է հակամարտության կողմերին հստակ ուղերձ հղի, որ հակամարտության խաղաղ լուծմանն այլընտրանք չկա, և եթե կողմերից մեկը ուժի դիմի, միջազգային հանրության արձագանքը չի հապաղի: Ես գտնում եմ, որ միջազգային հանրության կողմից նման քոմյունիքեի ընդունումը կարող է նպաստել Ղարաբաղի շուրջ խաղաղ բանակցություններին»,- ասել է ՀՀ վարչապետը:
Տիգրան Սարգսյանի կարծիքով, միջազգային կազմակերպությունները պետք է նաև պարզաբանեն, թե ինչպիսի միջոցներ, պատժամիջոցներ են ձեռնարկելու ուժի չկիրառման սկզբունքը խախտած պետության նկատմամբ: