ԱՄՆ միայն կողջունի լարվածության մեղմացումը Հայաստանի ներքին քաղաքական կյանքում: Այդ մասին Երևանում կայացած մամլո ասուլիսում հայտնել է Հայաստանում ԱՄՆ դեսպան Մարի Յովանովիչը: Պատասխանելով Հայաստանի իշխանությունների և ընդդիմության միջև հնարավոր երկխոսության մասին հարցին` դեսպանը նշել է, որ ներքին քաղաքական գործընթացները երկրում զուտ Հայաստանի ներքին գործն է, և ԱՄՆ-ն չի կարող ներգրավված լինել այդ խնդիրների մեջ:
Մարի Յովանովիչը նաև ընդգծել է, որ ԱՄՆ-ն օժանդակում է սկզբունքները, այլ ոչ թե քաղաքական ուժերին կամ անհատներին: Մեկնաբանելով այն փաստը, որ հայկական ընդդիմության կողմնակիցները դեռևս կալանքի տակ են, դեսպանը հայտնել է, որ ԱՄՆ-ն ողջունել է համաներման մասին հայտարարությունը և հույս ունի, որ ապագայում այդ անձանց ազատ արձակելու գործընթացը կշարունակվի:
