BarCamp Yerevan 2011-ի անցկացման օրերը փոփոխվել են։ Կազմակերպիչներից Սամվել Մարտիրոսյանը PanARMENIAN.Net-ի թղթակցին տեղեկացրեց, որ ԲարՔեմփ Երևան 2011-ի օրերն ու վայրն արդեն հստակ որոշված են՝ հունիսի 4-5-ը Ամերիկյան hամալսարանում:

Ինչպես նշեց Սամվել Մարտիրոսյանը BarCamp Yerevan 2011-ը տարբերվելու է 2009-ից և 2010-ից. «ԲարՔեմփ Երևանը կհյուրընկալի OPERA Software ընկերության ներկայացուցիչներին: Հրավիրված են նաև ռուս հայտնի բլոգերներ և ՏՏ ոլորտի փորձագետներ։ Անուններ տալ դեռևս չեմ կարող, քանի որ սպասում ենք հրավերների հաստատման»։