Իրանի նախագահ Մահմուդ Ահմադինեժադի հրավերով Նովրուզի առիթով տոնակատարությունների մասնակցելու համար Իրան են մեկնելու Հայաստանի, Տաջիկստանի, Իրաքի, Թուրքմենստանի և Աֆղանստանի նախագահները: Ինչպես հաղորդում է իրանական պետական IRNA գործակալությունը, միջոցառումներին մասնակցելու է Հայաստանի նախագահ Սերժ Սարգսյանը:
Նովրուզի Համաշխարհային փառատոնի կազմակերպման հարցերով միջազգային հարաբերությունների բաժնի գլխավոր տնօրեն Մոհամմեդ Ռեզա Ֆորգանիի խոսքերով, Քաթարը մասնակցելու է տոնակատարություններին թագաժառանգի մակարդակով, Ղրղզստանը` փոխվարչապետի, Օմանը` ԱԳ նախարարի, Ադրբեջանը` փոխխոսնակի:
Նովրուզի համաշխարհային փառատոնը տեղի է ունենալու մարտի 26-27-ը Թեհրանում և Իրանի այլ քաղաքներում: