Սինոփսիս Արմենիա գրասենյակում տեղի է ունեցել ՏՏ ոլորտում համաշխարհային ներդրման համար ՀՀ նախագահի մրցանակաբաշխության հանձնաժողովի նիստը։ Ժողովի ժամանակ քննարկվել են այս տարվա մրցանակաբաշխության հաղթողների թեկնածությունները:

Նիստի սկզբում Հայաստանի ճարտարագիտական ակադեմիայի նախագահ Սերգեյ Մինասյանն ակադեմիայի անդամության դիպլոմ հանձնեց ՎիվաՍել-ՄՏՍ-ի գլխավոր տնօրեն Ռալֆ Յիրիկյանին, ինչպես նաև ակադեմիայի արտասահմանյան անդամի դիպլոմ Սինոփսիսի կորպորատիվ մարքեթինգի գծով փոխնախագահ Ռիչ Գոլդմանին: