28 մարտի 2011 - 18:30 AMT
Orange-ը հեռախոս կնվիրի 100-րդ լիցքավորումը կատարած յուրաքանչյուր բաժանորդին

Այս շաբաթ նույնպես, 100-ի փոխարեն «Խոսենք» կանխավճարային ծառայության 1000 բաժանորդներ կստանան հեռախոսներ, ինչպես նաև գեղեցիկ նվեր Orange-ից կանանց համար: Ինչպես հաղորդում է Orange-ի մամլո ծառայությունը, դրա համար պարզապես պետք է լիցքավորել հաշիվը 500 և ավելի դրամով և լինել հերթական 100-րդ լիցքավորողը:

«Յուրաքանչյուր լիցքավորումը նաև մեր բաժանորդներին հնարավորություն է տալիս լիցքավորման պահից հաջորդ 31 օրվա ընթացքում զանգահարել Orange-ի բոլոր բաժանորդներին 1 դրամ/րոպե, իսկ տեղական այլ ցանցեր` ընդամենը 30 դրամ/րոպե սակագնով»,- ասաց Orange-ի Մարքեթինգի տնօրեն Արամ Մկրտչյանը:

Երկուշաբթի օրը` ապրիլի 4-ին, Orange-ի աշխատակիցները կզանգահարեն 1000 հաջողակ բաժանորդներին և կտեղեկացնեն վերջիններիս նվերների մասին: Երևանի բնակիչներն իրենց նվերը կարող են ստանալ Orange-ի գլխավոր խանութից, իսկ մարզերի բնակիչները` իրենց մարզային Orange խանութից: