Հայաստանի եւ Արցախի մայր բուհերը կհամագործակցեն
Արցախի Հանրապետության նախագահ Բակո Սահակյանը ապրիլի 1-ին ընդունել է Երեւանի պետական համալսարանի պատվիրակությանը` բուհի ռեկտոր Արամ Սիմոնյանի գլխավորությամբ: Հանդիպման ընթացքում քննարկվել են ԼՂՀ-ում բարձրագույն կրթության զարգացման, Հայաստանի եւ Արցախի մայր բուհերի համագործակցությանը վերաբերող հարցեր:
Երկրի ղեկավարը կարեւորել է Երեւանի պետական համալսարանի հետ կապերի խորացման եւ ԼՂՀ-ի կյանքում նրա ընդգրկվածության շարունակական ընդլայնման անհրաժեշտությունը:
Հանդիպմանը մասնակցում էին Արցախի Հանրապետության կրթության եւ գիտության նախարար Վլադիկ Խաչատրյանը, ԱրՊՀ ռեկտոր Ստեփան Դադայանը, հայտնում է Արցախի Հանրապետության նախագահի աշխատակազմի տեղեկատվության գլխավոր վարչությունը:
