Տեղեկատվական տեխնոլոգիաների ոլորտում նոր առանձին պետական կառույց ստեղծելու հարցն է քննարկվել մարտի 2-ին Երևանում՝ ՀՀ նախագահ Սերժ Սարգսյանի և Ինֆորմացիոն տեխնոլոգիաների ձեռնարկությունների միության (ԻՏՁՄ) ներկայացուցիչների աշխատանքային նախաճաշի ժամանակ:
Ինչպես հանդիպման ավարտին հայտարարել է Synopsys Armenia ընկերության գործադիր տնօրեն Հովիկ Մուսաելյանը, հիմնականում նախագահի հետ քննարկվել է ՏՏ ոլորտի նոր կառույց ստեղծելու անհրաժեշտությունը: Մենք արդեն պարտավորվել ենք ներկայացնել, թե ինչու են ոլորտի հիմնական խաղացողներն անհրաժշետ համարում առանձին կառույցի ստեղծումը, քանի որ ոլորտը գերակա ուղղություն է երկրի համար, որը նույնիսկ ճգնաժամի ժամանակ երկնիշ աճ ապահովեց, որը շարունակվում է մինչ օրս»,-ասել է նա:
Իր հերթին ԻՏՁՄ գործադիր տնօրեն Կարեն Վարդանյանը հավելել է, որ ՏՏ ոլորտն արդեն պատրաստ է պետական աջակցությանը և կանոնակարգման կարիք ունի, «որը թույլ չի տա մսխել ռեսուրսները»:
