Ապրիլի 5-ին` 11:00-ին Ռուս-հայկական (Սլովանական) համալսարանում նորվեգացի բևեռախույզ, կենդանաբան, նոր գիտության` ֆիզիկական օվկիանոսագրության հիմնադիր, քաղաքական գործիչ, հումանիստ, բարերար, 1922 թվականին Նոբելյան խաղաղության մրցանակի դափնեկիր Ֆրիտյոֆ Նանսենի 150-ամյակին նվիրված գիտաժողով կբացվի:

Գիտաժողովը կբացի ՌՀՄ գիտական աշխատանքի գծով պրոռեկտոր Պարգև Ավետիսյանը: Ելույթ կունենան նաև Ֆրիտյոֆ Նանսենի Հայկական հիմնադրամի նախագահ Ֆելիքս Բախչինյանը, պատմական գիտությունների թեկնածու, ՌՀՄ դասախոս Բենիամին Մայիլյանը, ինչպես նաև ՌՀՄ ուսանողներ:

Գիտաժողովի ընթացքում ծրագրվում է Յուրի և Ռուբեն Երզնկյանների «Ֆրիտյոֆ Նանսենն ու Հայաստանը» ֆիլմի ցուցադրությունն ու Ֆրիտյոֆ Նանսենի` ութ հատորից բաղկացած Ստեղծագործությունների ժողովածուի շնորհանդեսը: