Հայաստանի նախագահ Սերժ Սարգսյանի հայտարարությունն այն մասին, որ նա դառնալու է Երևան-Ստեփանակերտ ավիաչվերթի առաջին ուղևորը, հայկական կողմից յուրօրինակ դեմարշ էր: Այդ մասին Երևանում մամլո ասուլիսում հայտարարել է Ռազմավարական և ազգային հետազոտությունների հայկական կենտրոնի նորանշանակ տնօրեն Մանվել Սարգսյանը: Հայ փորձագետի կարծիքով, Ադրբեջանն իր հերթին չի հաշվարկել իրավիճակը և չի գիտակցել, որ նման սպառնալիքներն անընդունելի են միջազգային հանրության համար և միայն հետո, երբ տեսավ Հայաստանի և միջազգային հանրության արձագանքը, որոշեց մի քիչ մեղմել իրավիճակը:

Ինչպես նշել է Մանվել Սարգսյանը, Բաքվի հայտարարությունն Արցախ մեկնող ինքնաթիռները ոչնչացնելու մասին աշխարհին ցույց տվեց ղարաբաղյան հակամարտության գոտում իրավիճակի լրջությունը: