«Առէկսիմբանկ` Գազպրոմբանկի խումբ» ՓԲԸ-ն 6.5 մլն դոլար է հատկացնելու հիփոթեքի զարգացմանը, հաղորդում է բանկի մամլո ծառայությունը: Այդ մասին հայտարարել է բանկի գլխավոր տնօրենի տեղակալ Վիգեն Բարսեղյանը: «2011-ին մենք մտադիր ենք ջանքեր գործադրել հիփոթեքային վարկավորման ծրագրերի ակտիվ վարկավորման համար, առավել ևս, որ բանկում կիրառվող չափանիշները թույլ են տալիս պորտֆելի մակարդակը պահել բավական առողջ մակարդակում` հնարավորինս խուսափելով անբարեխիղճ հաճախորդներից»,- ասել է նա: Բարսեղյանը հավելել է, որ «խոշոր բանկը չպետք է հեռու մնա բանկային բիզնեսի տեսակներից որևէ մեկից, և առողջ բանկի պորտֆելը պետք է դիվերսիֆիկացվի, ուստի մենք հետագայում էլ մտադիր ենք շարունակել ֆիզիկական անձանց վարկավորումը»:
Նա նաև նշել է, որ բանկն արդեն մի քանի տարի աշխատում է հիփոթեքային վարկավորման շուկայում, լավ փորձ ունի, պարբերաբար վերանայում է հիփոթեքի տոկոսադրույքները: