«Բոլորը գիտեն, որ սպորտային մրցություններում միշտ էլ էական է առաջնության անցկացման վայրը, դա հատկապես կարևոր է բռնցքամարտում: Ռոբերտ Շտիգլիցի հետ մենամարտում ես հյուր եմ և ոչ մի պատրանք չունեմ: Ես գիտեմ, որ Մագդեբուրգում ինձ համար շատ դժվար կլինի հաղթել միավորներով»,- հայ բռնցքամարտիկ Խորեն Գևորի խոսքն է մեջբերում fightnews.com-ը: Բռնցքամարտիկն ապրիլի 9-ին պետք է իր ուժերը չափի Շտիգլիցի հետ:

Խորեն Գևորը նշել է, որ ինքը, անկասկած, պետք է նոկաուտով հաղթի, և արել է ամեն ինչ, որպեսզի պատրաստ լինի դրան:

Գևորի մենեջեր Պետեր Շուլցը դիմել է WBO, որպեսզի մենամարտը նախկինում Շտիգլիցի մենամարտերը չդատած մրցավարական բրիգադ սպասարկի: «Մենք մինչև հիմա վերջնական որոշում չենք ստացել, բայց բնականաբար կընդունենք WBO-ի ցանկացած որոշում»,- ասել է Շուլցը: