Ապրիլի 15-ին տեղի ունեցավ ՀՀ ԳԱԱ տարեկան ընդհանուր ժողովը, որի ընթացքում ԳԱԱ նախագահ Ռադիկ Մարտիրոսյանը ամփոփեց 2010 թվականի գիտական գործունեության արդյունքները: Ժողովին մասնակցում էին ՀՀ նախագահ Սերժ Սարգսյանը, ՀՀ կրթության նախարար Արմեն Աշոտյանը, կառավարության անդամներ, ԱԺ պատգամավորներ, գիտնականներ, ինչպես նաև ՀՀ ԳԱԱ արտասահմանյան անդամներ Ֆրանսիայից, Ռուսաստանից, ԱՄՆ-ից և Գերմանիայից:

Իր ելույթում Ռադիկ Մարտիրոսյանը կարևորեց «Գիտությունների ակադեմիայի մասին» ՀՀ օրենքի մշակումը, որն արդեն ընդունվել է ԱԺ-ի կողմից: Նշվեց նաև, որ ակադեմիայի նոր անդամներ են դարձել բազմաթիվ վաստակաշատ գիտնականներ: Ժողովի հատուկ հյուրն էր Սանկտ Պետերբուրգի Էրմիտաժ թանգարանի տնօրեն Միխաիլ Պիոտրովսկին:

ԳԱԱ նախագահը հատուկ նշեց ակադեմիայի աշխատողների աշխատավարձի բարձրացման փաստը, որը միջին հաշվով այժմ կազմում է 59.7 հազար դրամ:

Ժողովի ընթացքում կլինեն գիտաժողովներ մաթեմատիկական և տեխնիկական, Ֆիզիկայի և աստղաֆիզիկայի, բնական գիտությունների, քիմիական և երկրի մասին, ինչպես նաև հայագիտության ու հասարակական գիտությունների ոլորտում:

Ակադեմիայի համակարգում այժմ աշխատում է 4056 մարդ, որից 2439-ը` գիտական աշխատողներ են, 660 ակադեմիկոսներ, 62-ը թղթակից անդամներ, 334 գիտության դոկտորներ, 1126 գիտության թեկնածուներ և 979 առանց գիտական աստիճանի գիտաշխատողներ: