«Ժառանգություն» ընդդիմադիր կուսակցության ղեկավար Ստեփան Սաֆարյանը «զառանցանք» է անվանել որոշ ԶԼՄ-ների հայտարարությունը «Ժառանգության» ու ՀԱԿ-ի դաշինքի մասին, որի մասին համաձայնությունն, իբր, ձեռք է բերվել Լևոն Տեր-Պետրոսյանի ու Րաֆֆի Հովհաննիսյանի հանդիպմանը Կոմիտասի անվան պանթեոնում՝ Կարեն Դեմիրճյանի 79-ամյակի կապակցությամբ: Այդ մասին Երևանում կայացած մամլո ասուլիսում հայտարարել է Ստեփան Սաֆարյանը: «Միավորման հարցերը փողոցում, հընթացս չեն լուծվում, առավել ևս առանց նախնական պայմանավորվածության»,-ասել է Սաֆարյանը:
Ըստ նրա, նա չգիտի, թե ինչի մասին են խոսել Հովհաննիսյանն ու Տեր-Պետրոսյանը, սակայն, ընդգծել է, որ եթե քաղաքական հարցեր շոշափվեին, Րաֆֆի Հովհաննիսյանը կտեղեկացներ իր կուսակիցներին, դա նշանակում է, որ առնվազն այս պահի դրությամբ այն ոչ մի քաղաքական հետևանք չի ունեցել»,-ասել է նա: Սաֆարյանը հավելել է, որ Հովհաննիսյանը շուտով սեղմ զեկույց կներկայացնի կուսակցության վարչության նիստում շաբաթվա ընթացքում իր հանդիպումների մասին, ինչպես նաև վարչության մյուս անդամները:
Ընդ որում, ըստ Սաֆարյանի, նման զրույցի անհրաժեշտություն կար, հատկապես, հաշվի առնելով վերջին ամիսների իրավիճակը: Նա հավելել է, որ ՀԱԿ-ի շատ գործընկերների հետ նրանք մինչ այդ էլ են հանդիպել և կարևորել է, որ ՀԱԿ-ն ու «Ժառանգությունը» գոնե չվնասեն միմյանց, նույնիսկ եթե չեն կարող համատեղ գործել:
