Հայաստանի ազգային արխիվը բաց է բոլոր եվրոպացի, ամերիկացի ու թուրք հետազոտողների համար: Այդ մասին Երևանի մամլո ասուլիսում հայտարարել է Հայաստանի Ազգային արխիվի տնօրեն Ամատունի Վիրաբյանը: Տնօրենը հայտնել է, որ 2000 թվականից ի վեր միայն 2 թուրք պատմաբան է այցելել արխվ և ուսումնասիրել ներկայացված փաստաթղթերը: Վիրաբյանն ասել է նաև, որ իր թուրք գործընկերը հրավիրել է իրեն այցելել Թուրքիայի ազգային արխիվ, սակայն, ըստ Վիրաբյանի, հայերը չեն կարող ուսումնասիրել թուրքական արխիվները, քանի որ Հայաստանում չկան «օսմանյան թուրքերենի» մասնագետներ
Վիրաբյանն ասել է, որ արխիվում պահվում է մոտ 10 հազար փաստաթուղթ, որոնք հիմնականում Հայոց ցեղասպանության ականատեսների վկայություններն ու հիշողություններն են: Նա հայտնեց նաև, որ փաստաթղթերի մեծ մասը մինչ 2015 թվականը հասանելի կլինի նաև Ինտերնետում:
