Երևանի կենտրոն համայնքի մանկապարտեզներ հաճախող երեխաների մի խումբ ծնողներ այսօր Երևանի քաղաաքապետարանում հանդիպել են քաղաքապետարանի աշխատակազմի Կրթության վարչության նախադպրոցական կրթության բաժնի պետ Սիլվա Աչոյանի հետ`քննարկելու քաղաքապետի վերջին հրահանգը մանկապարտեզների բացման ժամի վերաբերյալ:
Ինչպես PanARMENIAN.Net-ի թղթակցին պատմեց հանդիպման մասնակից ծնողներից մեկը, ծնողները ներկայացրին իրենց դգոհություն քաղաքապետի հրահանգի առնչությամբ, համաձայն որի Կենտրոնի մանկապարտեզներ երեխաները պիտի հաճախեն ամենաուշը 8:30, որպեսզի չառաջացնեն խցանում մայրաքաղաքի Կենտրունում առավտոյան ժամերին:
“Մեզ Սիլվա Աչոյանը հայտնեց, որ սա դեռ որոշում չէ, այլ ընդհամենը փորձնական ծրագիր: Մենք մեր հերթին նշեցինք, որ համաձայն օրենքի, ծնողներն ու նախադպրոցական հաստատությունները կարող են պայմանավորվածության գալ, և երեխաները մանկապարտեզ հաճախեն ազատ գրաֆիկով: Քաղաքապետի հրահանգը որևէ իրավական ուժ չունի”,- նշեց Կենտրոն համայնքը ներկայացնող ծնողը:
Այնուամենայնիվ, քաղաքապետարանի ներկայացուցիչ-ծնողներ հանդիպման ընթացքում կողմերը որևէ լուծման չեն եկել: Սիլվա Աչոյանը փոխանցել է ծնողներին, որ մայիսի 16-17 պարզ կդառանա` ուժի մեջ կմտնի արդյոք փորձնական ծրագիրը թե ոչ:
