Կարելի է ենթադրել, որ Ռուսաստանի, Հայաստանի և Ադրբեջանի ԱԳՆ ղեկավարների ուշադրության կենտրոնում կրկին լինելու են այսպես կոչված Մադրիդյան սկզբունքները: Այդ մասին PanARMENIAN.Net-ի թղթակցի հետ զրույցում հայտարարել է ՀՀ ԳԱԱ Արևելագիտության ինստիտուտի Կենտրոնական Ասիայի, Կովկասի և Ուրալ-Մերձվոլգյան շրջանի ուսումնասիրման կենտրոնի փորձագետ Անդրեյ Արեշևը: «Ամեն դեպքում դա կարելի է ենթադրել ԵԱՀԿ ՄԽ ապրիլի 14-ի հայտարարությունից, որի համաձայն «եկել է կարգավորման հիմնարար սկզբունքների ամրապնդման և ղարաբաղյան հակամարտության խաղաղության համաձայնագրին անցում կատարելու ժամանակը»: Անտարակույս, բանակցային գործընթացը նախկինի նման գտնվում է ԱՄՆ հոգածության տակ, որը չի թաքցնում իր հետաքրքրությունը ղարաբաղյան հակամարտության նկատմամբ որոշակի պայմաններով: Այս իրավիճակում ռուսական դիվանագիտությունն օբյեկտիվորեն բարդ խնդրի առաջ է` հաշվի առնելով անելանելի իրավիճակը կարգավորման առաջարկվող փիլիսոփայության հետ: Ինձ թվում է, որ ստեղծված իրավիճակից դուրս գալու ելքը կողմերի պայմանավորվածությունն է շփման գծում կայունություն պահպանելու հարցում և լայնածավալ ընդհարումները կանխող մեխանիզմների մշակումը»,- ասել է Արեշևը:
