Եգիպտոսի հայերը երկրի անկայուն իրադրության պատճառով Հայոց ցեղասպանության զոհերին նվիրված երթ չի անցկացրել
Ի տարբերություն նախորդ տարիների, Եգիպտոսի հայ համայնքն այս անգամ երկրում առկա անկայուն իրադրության պատճառով չկարողացավ երթ անցկացնել Հայոց ցեղասպանության զոհերի հիշատակին:
Ինչպես PanARMENIAN.Net-ի թղթակցի հետ զրույցում հաղորդեց «Հուսաբեր» թերթի գլխավոր խմբագիր Սուրեն Բայրամյանը, երեկոյան Կահիրեում կկայանա հիշատակի երեկո և ոգեկոչման միջոցառում, որոնց ժամանակ հայաստանյան տենոր Գևորգ Հաջիյանը կկատարի Կոմիտասի ստեղծագործությունները: Խոսքով հանդես կգա Եգիպտոսում Հայաստանի դեսպան Արմեն Մելքոնյանը:
«Դեռևս ուրբաթ օրը Կահիրեում` սբ.Գևորգ եկեղեցում, հոգեհանգստյան պատարագ է մատուցվել Հայոց ցեղասպանության զոհերին»,- ասել է Բայրամյանը:
