Վրաստանի տարածքային զարգացման ու ենթակառուցվածքների նախարարությունը սկսել է թբիլիսյան շրջանցիկ ճանապարհի կառուցումը, որը կբեռնաթափի մայրաքաղաքը տարանցիկ հոսքերից:
Ինչպես հայտնում է «Նովոստի-Գրուզիան», նոր մայրուղին անվտանգության երաշխիք կդառնա տեղաբնակների համար ու կնպաստի բնապահպանական վիճակի բարելավմանը:
Նոր 7-կիլոմետրանոց ճանապարհի կառուցումը կավարտվի 2011թ. վերջում: Շրջանցիկ ճանապարհը կնպաստի ավտոտրանսպորտի տեղաշարժին Հայաստանից, Ադրբեջանից ու Կենտրոնական Ասիայից դեպի վրացական Փոթի ու Բաթումի նավահանգիստներ և Եվրոպա: