«Հայոց աշխարհ» թերթի համաձայն, Վոլգոգրադում Անվտանգության դաշնային ծառայության եւ տեղական ոստիկանության համատեղ գործողության շնորհիվ ձերբակալվել է 42-ամյա Տիգրան Հարությունյանը, որը հետախուզվում էր Ինտերպոլի կողմից:
Հարությունյանը վարձու մարդասպան է, քրեական շրջանակներում հայտնի «Տիկո» մականունով: Նա իր զոհերին սպանում էր գլխին կատարած երկու կրակոցով: Հարությունյանը իրավապահների ուշադրության կենտրոնում հայտնվել էր դեռ 1996 թվականին Վոլգոգրադում կատարած սպանության համար:
2002թ. Հարությունյանը ձերբակալվել էր Գերմանիայի ոստիկանության կողմից զինված կողոպուտի համար, եւ չորս տարի անցկացրել էր բանտում: 2010թ. Բելգիայի ոստիկանությունն ապացուցել էր նրա մեղսակցությունը երկրի տարածքում կատարած սպանության մեջ: