«Իշխանությունն երկրում պետք է վերադարձվի ժողովրդին»,- Երևանում մամլո ասուլիսում հայտարարել է «Ազգային ինքնորոշում» միավորում կուսակցության առաջնորդ Պարույր Հայրիկյանը: Նրա խոսքերով, ներկա արմատական ընդդիմությունն ի դեմս Հայ ազգային կոնգրեսի, որը հանդես է գալիս իշխանությունների դեմ, փոփոխությունների համակարգային ծրագիր չունի, որոնք անհրաժեշտ են Հայաստանին: Հայրիկյանը մեղադրել է ՀԱԿ առաջնորդ Լևոն Տեր-Պետրոսյանին անգրագիտության մեջ, նշելով, որ վերջինս ողջ ուշադրությունը կենտրոնացնում է նախագահական ընտրությունների վրա, երբ Սահմանադրությամբ ավելի կարևոր են խորհդարանական ընտրությունները, և ՀԱԿ բոլոր ծրագրերն անվանել է «կոսմետիկ», այլ ոչ թե համակարգային:
Հայրիկյանը նաև հաղորդել է լրագրողներին, որ «Ազգային ինքնորոշում» միավորումը առաջարկներ է մշակել Հայաստանի ընտրական համակարգի փոփոխության համար, որով նրանք դիմել են Հայաստանի այլ քաղաքական ուժերին: ԱԻՄ առաջարկի համաձայն Հայաստանում առաջարկվում է ստեղծել 33 ընտրատարածք, որոնցից 32-ում ամենաշատ ձայներ հավաքած թեկնածուներից ընտրվելու են 4-ական պատգամավորներ, իսկ մեկից` 3-ական:
