Ապրիլի 30-ին Ալ. Սպենդիարյանի անվան օպերայի և բալետի ազգային ակադեմիական թատրոնում կկայանա Սոֆի Դևոյանի «Պարի և հոգու թատրոնի» համերգը, որը տեղի կունենա Պարի միջազգային օրվան ընդառաջ: Ինչպես հայտնեց Սոֆի Դևոյանը, համերգին կմասնակցեն թատրոնի մեծահասակ պարողները, ովքեր հանդես կգան հայ ժողովրդական, ազգագրական և ծիսական պարերով, ինչպես նաև եվրոպական և ասիական ազգային պարերով: Թատրոնի մանկական խումբը հանդես կգա չինական պարով:

Պարի միջազգային օրը հայտարարվել է 1982 թ. ապրիլի 29-ին ՅՈՒՆԵՍԿՕ-ի կողմից հայտնի բալտեմայստեր, ժամանակակից բալետի հիմնադիր Ժան Ժորժ Նովերի ծննդյան օրը: