Ապրիլի 28-ին Օպերայի հրապարակում տեղի է ունեցել Երևանի քաղաքապետարանի կողմից ի գիտություն ընդունված` Հայ ազգային կոնգրեսի հանրահավաքը, հաղորդում է ՀՀ ոստիկանության հասարակայնության հետ կապի և լրատվության վարչությունը: Ոստիկանության հաղորդմամբ, հանրահավաքը սկսվել է ժամը 18:30-ին, մասնակցում էր մոտ 6000 մարդ:

Հանրահավաքն ավարտվել է ժամը 19:45-ին: Դրան հաջորդել է մասնակիցների մի մասի երթը մայրաքաղաքի կենտրոնական փողոցներով: Նալբանդյան փողոցի սկզբնամասում երթի մասնակիցներից մի քանիսը դիմել են սադրանքի, սակայն ոստիկաններին հաջողվել է կանխել իրավիճակի սրումը: Այդ ընթացքում որևէ հատուկ միջոց չի կիրառվել: Երթը շարունակվել է մինչև Ազատության հրապարակ: