Երևանում և Գյումրիում մայիսի 6-ին և 7-ին կկայանա Բեսոնի «Ադել Բլան Սեկի արտասովոր արկածները» ֆիլմի երեք բացառիկ ցուցադրությունը: Ցուցադրությունը կազմակերպվել է Հայաստանում Ֆրանսիայի դեսպանության և «Մոսկվա» կինոթատրոնի հետ համատեղ, Լյուկ Բեսոնի անձնական օժանդակությամբ և Europacorp production-ի աջակցությամբ: Ֆիլմի ցուցադրությանը ներկա կլինի ֆիլմի գլխավոր դերակատարներից մեկը՝ Ժակի Ներսիսյանը։
Ֆիլմը հայերեն թարգմանությամբ և բնագրով կցուցադրվի «Մոսկվա» կինոթատրոնում, իսկ Գյումրիում ֆիլմի ցուցադրումը (ֆրանսերեն տարբերակ) նախատեսվում է «Հոկտեմբեր» կինոթատրոնում:
Մուտքը բոլոր սեանսների համար ազատ է: Բացի դրանից մայիսի 6-ին Ժակի Ներսիսյանը կհանդիպի կինոյի ոլորտի ուսանողների հետ։