WebMD ինտերնետային առողջական կայքերից մեկը թողարկել է իր բջջային ծրագրերը Android հեռախոսների համար։ Այս ծրագիրը հասանելի էր 2008-ից iPhone-ների համար, այժմ արդեն հասանելի կլինի Android-ների համար։ Այս մասին հայտնում է ReadWriteWeb-ը։
Ծրագիրն ունի բազմազան ֆունկցիաներ, որոնք օգտագործողին իրազեկում են իր առողջական վիճակի մասին։
WebMD-ը պարունակում է ախտանշանների ստուգում, բուժումների որոնում, առաջին բուժօգնության մասին տեղեկություններ և այլն։ Այն պարունակում է մարդու մարմնի օրինակ-գծապատկերը։ Օգտագործողը կարող է սեղմել այն մասի վրա, որը ցավում է և ստանալ հնարավոր հիվանդությունների շարքռ, որոնց համար բնորոշ են օգտագործողի ախտանշանները։
Կան մի շարք այլ բժշկական-առողջական բջջային ծրագրեր, որոնց քույր ծրագիրը համարվում է հենց WebMD-ն։ Դրանցից են Medscape-ը iOS համակարգով աշխատողների համար, iTriage Mobile Health-ը և the Essential First Aid Guide-ը։
Այս ծրագիրը կարելի է անվճար բեռնել Android Market-ից և WebMD-ի կայքից։