ԱՄՆ նախագահ Բարաք Օբաման առաջարկել է ՌԴ-ում ԱՄՆ նախկին դեսպան, Քլինթոնի քաղաքական հարցերով տեղակալ Ուիլյամ Բըրնսի թեկնածությունը ԱՄՆ պետքարտուղարի տեղակալի պաշտոնում: Ինչպես ասվում է Սպիտակ տան մամլո հաղորդագրության մեջ, եթե Սենատը հաստատի թեկնածությունը, ապա Բըրնսը կնշանակվի Ջեյմս Սթեյնբերգի փոխարեն, որը երկրորդ մարդն էր Պետդեպարտամենտում և կատարում էր նաև պետքարտուղարի պարտականությունները, երբ Քլինթոնը բացակայում էր Վաշինգտոնից:
Ներկայումս Բըրնսը զբաղեցնում է Քլինթոնի քաղաքական հարցերով տեղակալի պաշտոնը, որը նշանակությամբ երրորդ պաշտոնն է պետդեպարտամենտում: Սթեյնբերգը կհեռանա դիվանագիտական աշխատանքից և կզբաղեցնի Սիրակուզի համալսարանի (Նյու Յորքի նահանգ) սոցիալական հետազոտությունների և միջազգային հարաբերությունների ֆակուլտետի դեկանի պաշտոնը:
Բըրնսին է պատկանում WikiLeaks-ի գաղտանզերծած դիվանագիտական հեռագրերի մեծ մասը, որոնք վերաբերում են Հարավային Կովկասին ու Թուրքիային:
